काठमाडौंको वायु अति अस्वस्थकर, विश्वका प्रदूषित शहरमा दोस्रो स्थान

काठमाडौं । सोमबार पनि काठमाडौं उपत्यकाको वायु गुणस्तर अति अस्वस्थकर अवस्थामा रहेको छ । ‘एयर क्वालिटी इन्डेक्स’ (AQI) को मापनअनुसार काठमाडौं विश्वका सबैभन्दा प्रदूषित शहरमध्ये दोस्रो स्थानमा रहेको छ । पहिलो स्थानमा भारतको नयाँदिल्ली छ भने तेस्रो स्थानमा पाकिस्तानको लाहोर परेको छ ।

विश्व स्वास्थ्य सङ्गठन (WHO) का अनुसार AQI ०–५० बीचमा हुँदा स्वस्थ मानिन्छ । ५१–१०० मध्यम, १०१–१५० संवेदनशील समूहका लागि अस्वस्थ, २०१–३०० अत्यधिक अस्वस्थ, र ३०१ भन्दा माथिको सूचकाङ्क खतरनाक मानिन्छ ।

जल तथा मौसम विज्ञान विभागका अनुसार लामो समयदेखि वर्षा नहुनु र वन डढेलोका कारण वायु प्रदूषण उच्च बनेको हो ।

स्वास्थ्य मन्त्रालयले नेपालको वायु गुणस्तर अत्यधिक अस्वस्थकर सूचिमा परेको भन्दै सर्वसाधारणलाई सावधानी अपनाउन अनुरोध गरेको छ । चिकित्सकहरूले यस्तो अवस्थामा विशेषगरी बिहान र साँझको समयमा घरबाहिर ननिस्कन सुझाव दिएका छन् ।

यो समाचार सेयर गर्नुहोस्:

LEAVE A REPLY

Please enter your comment!
Please enter your name here

थप समाचार

ताजा