धरानमा कोरोना संक्रमणबाट २ जनाको मृत्यु

काठमाडौं–कोरोना संक्रमणका कारण बिपी कोइराला स्वास्थ्य विज्ञान प्रतिष्ठान धरानमा २ जनाको मृत्यु भएको छ। झापाका ८३ वर्षीय पुरुष र मोरङकी ५६ वर्षीया महिलाको मृत्यु भएको हो।

अत्याधिक खोकी, श्वास फेर्न समस्या र ज्वरो आउने समस्याबाट पीडित झापाका ८३ वर्षीय पुुरुष बी एण्ड सी अस्पतालबाट रेफर भई भदौ ३ गते भर्ना भएकामा आज बिहान पौने ४ बजे निधन भएको अस्पतालले  जनाएको छ। ती पुरुषमा मिर्गौलाको दीर्घकालीन समस्या, उच्च रक्तचाप, मधुमेह र अल्प रक्तकोशिकाको समस्या रहेकोमा ८ गते कोरोना पोजिटिभ देखिएको पुष्टि भएको थियो।

कोशी अस्पतालबाट रेफर गरिएका मोरङकी ५६ वर्षीया महिलाको आज बिहान ३.१४ बजे निधन भएको अस्पतालका निर्देशक डा निदेश सापकोटाले जनाएका छन्।