काठमाडौँ । सिंहदरबारस्थित प्रधानमन्त्री तथा मन्त्रिपरिषद्को कार्यालयमा मन्त्रिपरिषद्को नियमित बैठक बसिरहेको छ। प्रधानमन्त्रीको अध्यक्षतामा जारी यस बैठकमा विभिन्न मन्त्रालयबाट प्रस्तुत नीतिगत प्रस्ताव र प्रशासनिक एजेन्डामाथि विस्तृत छलफल भइरहेको छ।
बैठकमा मुलुकको वर्तमान राजनीतिक तथा आर्थिक अवस्था, विपद् पश्चातका राहत र पुनर्निर्माणका कार्यहरूको प्रगति समीक्षाबारे छलफल केन्द्रित छ। यसका अतिरिक्त सार्वजनिक सेवा प्रवाहलाई अझ बढी प्रभावकारी बनाउने र विभिन्न निकायमा रिक्त पदपूर्तिको विषय पनि बैठकको एजेन्डामा रहेको छ।
बैठक सकिएलगत्तै सरकारका प्रवक्तामार्फत मन्त्रिपरिषद्का निर्णयहरू सार्वजनिक गरिनेछ। चालू आर्थिक वर्षका प्राथमिकता प्राप्त आयोजनाहरूको कार्यान्वयनलाई तीब्रता दिने सन्दर्भमा पनि बैठकले आवश्यक निर्णय लिने अपेक्षा गरिएको छ।