काठमाडौँ । चाडपर्वको संवेदनशील समयलाई मध्यनजर गर्दै इन्धन आपूर्ति प्रणालीलाई थप प्रभावकारी बनाउन स्थानीय प्रशासन र नेपाल आयल निगमले संयुक्त रूपमा बजार अनुगमनलाई तीव्रता दिएका छन्। उपभोक्ताहरूले इन्धन सहजै प्राप्त गर्न सकून् भन्नका लागि सरकारी निकाय र व्यापारीहरूबीच समन्वय गरी वितरण प्रक्रियालाई पारदर्शी बनाइएको छ।
बजारको वास्तविक अवस्था बुझ्न र सरोकारवाला निकायबिच तालमेल मिलाउन आयोजित विशेष संयुक्त बैठकले चाडपर्वभरि पेट्रोल, डिजेल र ग्यासको सहज उपलब्धता सुनिश्चित गर्ने निर्णय गरेको छ। सोही निर्णयअनुसार सुरक्षा निकाय र विक्रेता प्रतिनिधिहरू फिल्डमा खटिएर आपूर्ति व्यवस्थाको नियमित निगरानी गरिरहेका छन्।
झापास्थित पराजुली ग्यास उद्योगका अनुसार हाल जिल्लामा दैनिक ५ हजार ५०० सिलिन्डर ग्यासको माग रहे पनि बजारमा ७ हजार ६०० सिलिन्डर उत्पादन तथा वितरण भइरहेको छ। पछिल्लो दुई महिनाको अवधिमा नियमित कोटाभन्दा ४० प्रतिशत बढी ग्यास बजारमा पठाइएकाले अपुग हुने अवस्था नरहेको उद्योगले प्रस्ट्याएको छ।