काठमाडौँ – इंग्लिस प्रिमियर लिग फुटबलमा टोटेनहमले क्रिस्टल प्यालेसलाई ३-० गोल अन्तरले पराजित गरेको छ ।
घरेलु मैदानमा आइतबार राति भएको खेलमा ह्यारी केन, लुकास मौरा र सन ह्युङ मिने एक-एक गोल गरेका थिए ।
विलफ्रेड जाहाले रातो कार्ड पाएपछि १० खेलाडीमा समेटिएको क्रिस्टल कमजोर देखियो ।
जितसँगै १६ खेलमा २९ अंक जोडेको टोटेनहम पाँचौं स्थानमा उक्लिएको छ । क्रिस्टल २० अंक जोडेर १२ औं स्थानमा रहेको छ ।
