प्रधानमन्त्री पुष्पकमल दाहालको आशन्न भारत भ्रमण बारे छलफल गर्न भारतका लागि नेपाली राजदुत डा शंकर शर्माले भारतीय विदेशमन्त्री एस जयशंकरसँग भेटवार्ता गरेका छन् । शर्मा विदेशमन्त्री जयशंकरलाई भेट्न बिहीबार बिहान पुगेका थिए ।
सो क्रममा दुई देशबीचको गहिरो र बहुपक्षीय साझेदारीको बारेमा छलफल भएको भारतीय विदेशमन्त्री जयशंकरले ट्वीटरमार्फत जानकारी दिएका छन् । आगामी दिनमा यसलाई थप विस्तार गर्न दुबै पक्ष सकारात्मक बनेका छन् । उनले टिवट गर्दै भनेका छन् ‘आज बिहान नेपालका राजदूत डा शंकर शर्मालाई पाउँदा खुसी लाग्यो । हाबीबीच गहिरो र बहुपक्षीय साझेदारीको बारेमा छलफल भयो । आगामी दिनमा यसलाई थप विस्तार गर्ने प्रतिबद्ध छौँ ।’ प्रधानमन्त्री दाहालको भ्रमण जेठ १७ गतदेखि हुँदैछ ।