July 9, 2020, Thursday
२०७७ असार २५, बिहीबार
KN hd tv

जापानले बनायो संसारकै फास्ट सुपर कम्प्युटर

जापानले विश्वकै सबैभन्दा तीव्र गतिको सुपर कम्प्युटर निर्माण गरेको छ ।

जापानको राइकिन रिसर्च इन्स्टिच्युट तथा फुजित्सु लिमिटेड नामक कम्पनीले मिलेर दुनियाँकै तीव्र गतिको कम्प्युटर निर्माण गरेको हो । दुनियाँकै तेज उक्त कम्प्युटरलाई कोरोना भाइरस महामारीविरुद्धको लडाइँमा प्रयोग गर्ने बताइएको छ ।

विश्वका सुपर कम्प्युटरहरूको सूची प्रकाशित हुने उत्कृष्ट ५०० को पछिल्लो सूचीमा जापानको उक्त कम्प्युटर पहिलो स्थानमा पर्न सफल भएको हो । फुगाकु नामको उक्त सुपर कम्प्युटर कोबे सहरस्थित रिकेन सेन्टर अफ कम्प्युटेसनल साइन्समा जडान गरिएको छ । यो कम्प्युटर एउटा कोठाको आकारको छ । करिब ६ वर्षको अथक प्रयासपछि यसको निर्माण सम्पन्न भएको बताइएको छ।

यसअघि अमेरिकाको आइबिएम कम्पनीको समिट नामक सुपर कम्प्युटर विश्वको सबैभन्दा तीव्र गतिको सुपर कम्प्युटरको रुपमा रहेको थियो । जापानको फुगाकु सो अमेरिकी कम्प्युटरभन्दा २.८ गुणा तेज छ । रिपोर्टअनुसार यस सुपर कम्प्युटरमा डेढ लाखभन्दा धेरै प्रोसेसर राखिएको छ । सुपर कम्प्युटरको गति मापन गर्ने इकाईअनुसार यसको क्षमता ४१५.५३ पेटाफ्लप्स छ ।

शीर्ष समाचार

धेरै पढिएको