जापानी प्रधानमन्त्री ताकाइचीले दिइन् बालेनलाई बधाई

काठमाडौं : जापानकी प्रधानमन्त्री ताकाइची सानाएले नवनियुक्त प्रधानमन्त्री बालेन्द्र शाह (बालेन)लाई बधाई दिएकी छन् ।

आजै प्रधानमन्त्री पदमा नियुक्त भएका शाहले पद तथा गोपनीयताको शपथ ग्रहण गरिसकेका छन् । प्रधानमन्त्री ताकाइचीले शाह नेपालको प्रधानमन्त्री नियुक्त भई कार्यभार सम्हालेकोमा खुसी व्यक्त गरेकी छन् ।

नेपाल र जापानबीचको ऐतिहासिक तथा मित्रवत् सम्बन्धलाई थप मजबुत बनाउन आफू सहकार्य गर्न उत्सुक रहेको उनले उल्लेख गरेकी छन् ।