डा. नारायण कँडेल महान्यायाधिवक्तामा नियुक्त

काठमाडौं : सरकारले डा. नारायण कँडेललाई महान्यायाधिवक्तामा नियुक्त गरेको छ । 

आइतबार बसेको मन्त्रिपरिषद् बैठकले उनलाई सरकारको कानुनी सल्लाहकार नियुक्त गर्ने निर्णय गरेको हो ।

महान्यायाधिवक्ता सरकारको प्रमुख कानुनी सल्लाहकारका रूपमा रहने व्यवस्था छ । साथै, फौजदारी मुद्दाको अभियोजन गर्ने सरकारी वकिलहरूको नेतृत्व गर्ने तथा सरकारवादी सबै मुद्दाको बहस पैरवीको नेतृत्व गर्ने गर्छन् ।