अमेरिकी सहायता कटौतीपछि चीनको भूमिका कस्तो रहला?

अमेरिकाले वैदेशिक सहायता कटौती गरेसँगै विश्वभर यसबारे बहस चलिरहेको छ। अब यो शून्यता कसले पूर्ति गर्ने भन्ने प्रश्न उठिरहेको छ।

कम्बोडियामा अमेरिकी सहायता रोकिएपछि चीनले सहयोग गर्न थालेको देखिएको छ। त्यहाँका बारुदी सुरुङ हटाउने परियोजनाका लागि चीनले ४४ लाख डलरको सहायता घोषणा गरिसकेको छ।

चीनले पछिल्लो समय बेल्ट एन्ड रोड इनिसियटिभ (बीआरआई)मार्फत पूर्वाधार निर्माणलाई प्राथमिकता दिँदै आएको छ। एड डाटाका अनुसार, चीनले २००० देखि २०२१ सम्म १.३४ ट्रिलियन डलर खर्च गरेको छ, जुन अमेरिकाले २००१-२०२३ मा खर्च गरेको १.२४ ट्रिलियन डलरभन्दा बढी हो।

तर, चीनको सहायता मोडेल फरक छ। अमेरिकाले ८०% सहयोग अनुदानको रूपमा दिन्छ भने चीनको ९७% सहायता ऋणको रूपमा दिइन्छ।

अमेरिकी सहायता रोकिएपछि चीनले तुरुन्तै मानवीय सहायता बढाउने सम्भावना न्यून छ। तर, दीर्घकालीन रूपमा चीनले आफ्नो आर्थिक सहायतामार्फत विश्वभर प्रभाव बढाउने रणनीति अख्तियार गरिरहेको छ।