बागमती प्रदेशमा गठबन्धनबाट चारजनाले उम्मेदवारी दर्ता गराए

काठमाडौं – राष्ट्रिय सभा सदस्यको निर्वाचनका लागि वागमती प्रदेशमा गठबन्धनका तर्फबाट चारजनाले उम्मेदवारी मनोनयन दर्ता गराएका छन् ।

आगामी माघ ११ गते हुने राष्ट्रिय सभा सदस्य पदको निर्वाचनका लागि सोमबार भएको मनोनयन दर्ताका क्रममा गठबन्धनबाट नेपाली कांग्रेसका २, माओवादी केन्द्र र एकिकृत समाजवादी पार्टीका तर्फबाट १/१ जना गरी ४ जनाले उम्मेदवारी मनोनयन दर्ता गराएका हुन् ।

जसमा कांग्रेसबाट महिलातर्फ विष्णु कुमारी पुडासैनी र अन्यबाट जीतजंग बस्नेत, माओवादी केन्द्रबाट अपाङ्गतर्फ श्रीकृष्ण अधिकारी र एकिकृत समाजवादीका घनश्याम रिजालले दलित कलस्टरबाट उम्मेदवारी मनोनयन दर्ता गराएका छन् ।