नेप्से: ९ कम्पनीको शेयर मूल्य बढ्यो

काठमाडौं– साताको पहिलो दिन आज शेयर बजारमा नेप्से वृद्धि भएको छ । आज आइतवार नेप्से परिसूचक ७३.०१ अंकले बढेर २ हजार ७६५.५१ अंकमा पुगेको हो ।

आज ९ कम्पनीको शेयर मूल्यमा उच्च वृद्धि भएको नेप्सेले जनाएको छ । शेयर मूल्य बढ्ने कम्पनीमा हिमालयन उर्जा विकास कम्पनी, युनाईटेड हाइड्रोपावर, मध्य भोटेकोशी जलविद्युत कम्पनी, नेपाल हाइड्रो डेभलपर्स, आइसीएफसी फाइनान्स, न्यादि हाइड्रोपावर, प्रोगेसिभ फाइनान्स कम्पनी, हाइड्रो इलेक्ट्रोसिटी एण्ड डेभलपमेन्ट कम्पनी र कर्पोरेट डेभलपमेन्ट बैंक रहेका छन् ।

नेप्सेका अनुसार आज डिभेन्चरको शेयर मूल्यमा भने गिरावट आएको छ ।

आज नेप्सेमा ७ अर्ब १० करोड १८ लाख बराबरको कारोबार भएको छ ।