आइतबार र शनिबार सार्वजनिक बिदा दिने सरकारको निर्णय

काठमाडौं : सरकारले शनिबार र आइतबार सार्वजनिक बिदा दिने निर्णय गरेको छ । उक्त निर्णय भोलि (चैत २३ गते) देखि लागू हुनेछ ।

सरकारी कार्यालय तथा शैक्षिक संस्थामा लागू हुने गरी दुई दिन बिदा दिने व्यवस्था गरिएको सरकारका प्रवक्ता सस्मित पोखरेलले जानकारी दिए ।

पेट्रोलियम आपूर्तिमा देखिएको असहज अवस्थाका कारण यस्तो निर्णय गरिएको उनले बताए । आइतबार बसेको मन्त्रिपरिषद् बैठकले सो निर्णय गरेको हो ।