सुनको भाउ २ हजार ९०० रुपैयाँले घट्यो

काठमाण्डौ – सुनको भाउ आज २ हजार ९०० रुपैयाँले घटेको छ । सुनको भाउ २ हजार ९०० ले घटेर तोलाको २ लाख ८६ हजार ६०० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

लगातार हप्ता दिनदेखि घटेको सुनको भाउ हिजो एकैदिन १४ हजार ६०० ले बढेर तोलाको २ लाख ८८ हजार ५०० रुपैयाँ पुगेको थियो । 

आज चाँदीको भाउ पनि घटेको छ । चाँदीको भाउ १०० ले घटेर तोलाको ४ हजार ८२० रुपैयाँमा कारोबार भइरहेको महासङ्घले जनाएको छ । हिजो चाँदीको भाउ ४१५ रुपैयाँले बढेर तोलाको ४ हजार ९२० रुपैयाँमा कारोबार भएको थियो ।