भारतमा बस र ट्यांकर ठोकिँदा १८ को मृत्यु, २० जना घाइते

काठमाडौं । भारतको उन्नाव जिल्लामा बुधबार बिहान एउटा बस र ट्याङ्कर आपसमा ठोकिँदा १८ जनाको मृत्यु भएको छ । भारतीय सञ्चारमाध्यमका अनुसार लखनऊ–आग्रा एक्सप्रेसवेमा बिहारको शिवगढबाट दिल्ली जाँदै गरेको स्लिपर बस बेहता मुजावर थाना क्षेत्रको एयरस्ट्रिपमा ट्याङ्करसँग ठोकिएको हो ।

दुर्घटनामा दुई महिला र एक बालकसहित १८ जनाको मृत्यु भएको छ । दुर्घटनामा २० जना गम्भीर घाइते भएका छन् । अहिले प्रहरी घटनास्थल पुगेको छ । घाइतेहरूलाई अस्पताल लगिएको छ ।