सल्यानमा तरकारी बोकेको जीप दुर्घटना, दुई जनाको ज्यान गयो

काठमाडौँ – सल्यानमा जीप दुर्घटना हुँदा दुई जनाको ज्यान गएको छ । एक जना घाइते भएका छन् ।

रोल्पाबाट तरकारी बोकेर ल्याएको रा १ च १०२५ नम्बरको जीप राप्ती राजमार्ग अन्तर्गत सल्यानको कपुरकोट गाउँपालिका–३ चोरखोलामा बिहान सवा ६ बजेतिर दुर्घटना भएको जिल्ला प्रहरी कार्यालय सल्यानले जनाएको छ । दुर्घटनामा ज्यान गुमाएकाहरुको परिचय खुल्न बाँकी छ ।

घाइतेलाई उपचारका लागि दाङ पठाइएको प्रहरीले जनाएको छ । जीप दुर्घटनाको कारण खुल्न बाँकी छ ।