भारत भ्रमण सम्पन्न गरी काठमाडौँ फर्किए गृहमन्त्री सुधन गुरुङ, अमित शाहसँग भेटवार्ता

काठमाडौँ । बिम्स्टेक गृहमन्त्रीस्तरीय प्रथम बैठकमा भाग लिन भारत गएका गृहमन्त्री सुधन गुरुङ तीन दिने भ्रमण पूरा गरी बुधबार साँझ स्वदेश फर्किएका छन् ।

नयाँ दिल्लीमा आयोजित बैठकका क्रममा उनले भारतीय गृहमन्त्री अमित शाहसँग छुट्टै द्विपक्षीय भेटवार्ता गरेका थिए । उक्त भेटमा नेपाल-भारतबीचका साझा सुरक्षा चासो, सीमा व्यवस्थापन र आपसी सहकार्य बलियो बनाउने विषयमा विचारविमर्श भएको गृह मन्त्रालयले जानकारी दिएको छ ।

बैठकमा बिम्स्टेक सदस्य राष्ट्रबीच सुरक्षा समन्वय थप प्रभावकारी बनाउने विषयमा सहमति भएको बताइएको छ ।