डोटीमा बोलेरो जिप दुर्घटना, दुई जनाको मृत्यु

काठमाडौँ : डोटीको आदर्श गाउँपालिका-६ रौसेल्लामा जिप दुर्घटना हुँदा दुई जनाको मृत्यु भएको छ।

दुर्घटनामा परी आदर्श गाउँपालिका-३ काँडीस्याउलेका २२ वर्षीय सुबोध रोकाया र १९ वर्षीय कैलाश बिकको घटनास्थलमै मृत्यु भएको जिल्ला प्रहरी कार्यालय डोटीले जनाएको छ।

प्रहरीका अनुसार, गिरिचौकबाट काँडीस्याउतर्फ आउँदै गरेको सु.प.प्र. ०१ ००१ च ३९२३ नं. को बोलेरो जिप घुम्तीबाट सडकबाट करिब ९०० मिटर तल सायली गाडमा खसेको हो। मृतकहरूको शव खोलाबाट सडकमा ल्याउने कार्य भइरहेको छ।

जिप मृतक सुबोध रोकायाले चलाइरहेका थिए।