केन्द्रीय सुरक्षा समिति बैठक जारी, राष्ट्रिय सुरक्षा परिषद् बैठक दिउँसो बस्दै

काठमाडौं : केन्द्रीय सुरक्षा समितिको बैठक जारी छ ।

गृहमन्त्री एवं समितिका अध्यक्ष ओमप्रकाश अर्यालको अध्यक्षतामा भइरहेको बैठकमा गृहसचिव राजकुमार श्रेष्ठ, रक्षा मन्त्रालयका सचिव केदारनाथ शर्मा, सुरक्षा निकायका प्रमुख तथा गृह मन्त्रालयका उच्च अधिकारी सहभागी छन् ।

बैठकमा विद्यमान सुरक्षा अवस्था, निर्वाचन तयारी र शान्ति–सुरक्षासम्बन्धी विषयमा छलफल भइरहेको जनाइएको छ ।

यसैबीच, राष्ट्रिय सुरक्षा परिषद्को बैठक पनि आजै बस्ने भएको छ। प्रधानमन्त्री सुशीला कार्कीले दिउँसो ३ बजेका लागि बैठक बोलाएकी हुन् । बैठकमा निर्वाचन सुरक्षालगायत विषयमा छलफल हुने बताइएको छ ।