भारतमा हराएको बादँर भेट्नेलाई ८० हजारको पुरस्कार

भारतको पञ्जाबको राजधानी चण्डीगढमा एक हराएको बादँर भेट्नेलाई ५० हजार भारु अर्थात ८० हजार नेपाली रुपैयाँको उपहार राखिएको छ । यस बादँरलाई एक ब्यक्तिले आफ्नो कब्जामा राखेका थिए । जसको बिषयमा उजुरी परेसंगै वन विभागले ती व्यक्तिका विरुद्धमा वन्य जीव कानुन अनुसार मुद्धा दर्ता गरी कानूनी कारबाहि थाले । तर वन विभागले बादँर भने भेटेनन् ।

वन विभागले मोकू नामक उक्त बादँर नभेटेपछि त्यसका बारेमा सुचना दिने मानिसलाई ५० हजार भारु पुरस्कार दिने घोषणा गरेको हो । चण्डीगढ वन विभागका अनुसार बादँरको खोजीका लागी रकम पुरस्कार राखिएको पहिलो घटना हो । यसरी रकम पुरस्कार राख्नुका पछाडी उक्त बादँर उपर अत्यन्त अत्याचार भएको थियो ।

वन विभागका अनुसार चण्डीगढका ति ब्यक्तिले बाँदरलाई कब्जामा राखि यसको फोटो र भिडियो मार्फत सामाजिक सञ्जालमा फ्यान फलोइङ बढाएका थिए । यतिमात्र होइन उनले बादँरलाई अखाद्य वस्तु समेत खान दिएका थिए ।