सुशान्तको अन्तिम फिल्म ‘दिल बेचारा’को ट्रेलर विश्व रेकर्ड राख्न सफल

मुम्बई – बलिउड अभिनेता सुशान्त सिंह राजपूतको फिल्म ‘दिल बेचारा’ को ट्रेलरले विश्व रेकर्ड राख्न सफल भएको छ ।

सोमवार रिलिज भएको फिल्मको ट्रेलरले छोटो समयमा धेरै लाइक्स पाउने विश्वकै पहिलो भिडियोको रेकर्ड राखेको हो ।

यो ट्रेलर रिलिज भएको ९८ मिनेटभित्र १० लाखले लाइक गरेका थिए । त्यस्तै हजारौंले प्रतिक्रिया जनाएका थिए । कतिले सुशान्तको फिल्म ‘दिल बेचारा’ को ट्रेलर हेर्दा आफू रोएको प्रतिक्रिया दिएका थिए ।

ट्रेलर रिलिज हुनुअघि नै प्रतीक्षित दर्शकले ५५ हजार लाइक गरिसकेका थिए ।

यो फिल्म जोन ग्रीनको उपन्यास ‘द फल्ट इन आवर स्टार्स’ मा आधारित छ ।