काठमाडौं– जालसाजी मुद्दाका चार फरार प्रतिवादी १० वर्षपछि पक्राउ परेका छन्। पक्राउ पर्नेमा धुलिखेल नगरपालिका–४ का ६९ वर्षीय बुद्धिलाल खड्गी, सोही वडाका ३८ वर्षीय प्रकाश खड्गी, ४२ वर्षीय विकास खड्गी र ४५ वर्षीय दिललक्ष्मी खड्गी रहेका छन्।
चारै प्रतिवादीलाई मंगलबार बनेपा नगरपालिका–५ बाट पक्राउ गरिएको प्रहरी नायब उपरीक्षक हरि खतिवडाले जानकारी दिए।
जिल्ला प्रहरी कार्यालय काभ्रेपलाञ्चोकले उनीहरुलाई कैद तथा जरिवाना कार्यान्वयनका लागि जिल्ला अदालत पठाएको छ।
उनीलाई जालसाजी मुद्दामा धुलिखेलस्थित जिल्ला अदालतले २०६८ फागुन १४ गते कैद तथा जरिवाना फैसला गरेको थियो।