सिन्धुपाल्चोकमा बाढीले दर्जनौं घर बगायो
काठमाडौं- रातभरको अविरल वर्षाका कारण आएको बाढी-पहिरोले सिन्धुपाल्चोकका दर्जनौँ घरमा क्षति पुगेको छ ।
बाह्रबिसे नगरपालिका र त्यस उँभोको क्षेत्रमा ठाडा खोलाहरु उर्लँदा दर्जनौँ घरमा क्षति पुर्याएको छ ।
अरनिको राजमर्गको जम्बु, खागदल बजारमा बाढीले ठूलो क्षति पुर्याएको प्रहरीले जनाएको छ । खागदलको पक्की पूल नै बगाएको जनाइएको छ ।
उद्धारका लागि निस्किएको नेपाली सेना र नेपाल प्रहरी पनि जम्बुसम्म पुग्न नसकेको प्रमुख जिल्ला अधिकारी उमेशकुमार ढकालले जानकारी दिए ।
अविरल वर्षाका कारण बाह्रबिसे नगरपालिका जम्बुको ठाडोखोलामा आएको बाढीले बाह्रबिसे नगरपालिकाका १५ घर बगाएको र केही व्यक्ति सम्पर्कविहीन भएको जनाइएको छ ।
बाह्रबिसे नगरपालिका उपप्रमुख सुशीला पाख्रिनले बताएअनुसार वर्षाले कति क्षति भयो भन्ने यकिन हुनसकेको छैन ।
बाह्रबिसेको खोर्सानीवारीभन्दा माथितिर जान नसकिएको र टेलिफोन अवरुद्ध भएको पाख्रिनले बताइन् ।
शीर्ष समाचार
- बिरामीको मृत्यु भएपछि मेडिसिटी अस्पतालविरुद्ध मुद्दा दायर, पाँच करोड क्षतिपूर्ति माग
- भारत र चीनबीच सिमानामा गस्तीसम्बन्धी सम्झौता
- शेयर बजार परिसूचक नेप्से २५ अङ्कभन्दा धेरैले बढ्यो
- कर्णालीका ७९ मध्ये ४८ वटा पालिका आधारभूत अस्पतालविहिन
- संसदीय समितिलाई सभामुखको निर्देशन : आउँदो अधिवेशनमा सबै विधेयक पेश गर्नू
प्रतिकृया दिनुहोस्