बार्सिलोना सेमिफाइनलमा

काठमाडौं– बार्सिलोना स्पेनिस कोपा डेल रे फुटबलको सेमिफाइनलमा प्रवेश गरेको छ। बुधबार राति भएको खेलमा बार्सिलोनाले ग्रानाडालाई पराजित गर्दै सेमिफाइनलमा स्थान बनाएको हो।

बार्सिलोनाले थप गरिएको ३० मिनेटको अतिरिक्त समयमा ५–३ को जित निकालेको हो। बार्सिलोनाको जितमा एन्टोनी ग्रिजम्यान र जोर्डी अल्बाले समान २–२ गोल गरे। त्यस्तै, फ्रेन्की डे जोङले एक गोल थपे। यता, ग्रानाडाका लागि केनेडी, रोबेर्टो सोल्डाडो र फेडे भिकोले समान १–१ गोल गरे।

ग्रानाडाले बनाएको दुई गोलको अग्रता जोगाउन नसक्दा हार ब्यहोरेको हो। खेलको ३३ औं मिनेटमा केनेडीले गोल गर्दै ग्रानाडालाई १–० को अग्रता दिलाए।