दाङमा गोलीको छर्राले घाइते अवस्थामा भेटिए एक व्यक्ति

काठमाडौं– दाङमा  गोलीको छर्रा लागेर घाइते भएको अवस्थामा एक व्यक्ति भेटिएका छन् । तुलसी उपमहानगरपालिका–१३ का ४५ वर्षीय खुसलराम पौडेल गोली लागेर घाइते भएको अवस्था भेटिएको लुम्बिनी प्रदेश प्रहरी कार्यालय दाङका डिआइजी रवीरन्द्र धानुकले जानकारी दिए।

पौडेलको तिघ्रामा २ वटा र ढाडमा ३ वटा गोलीको छर्रा लागेको छ । ‘घाइते अवस्थामा भेटिएका पौडलको शरीरका गोलीका छर्रा लागेको छ। हामी अनुसन्धान गर्दैछौ।’

पौडेल गएराति ९ बजे लमही नगरपालिका–९ को च्याउ खोला जंगलमा घाइते अवस्थामा भेटिएका हुन् ।

पौडेलको नेपालगञ्ज नर्सिङ होममा उपचार भइरहेको छ ।