June 17, 2024, Monday
२०८१ असार ४, सोमबार
KN hd tv

सरकार स्वार्थमा डुबेको छः सिंह

काठमाडौं–नेपाली कांग्रेसका नेता प्रकाशमान सिंहले जनजीविकाको सवालमा सरकार गैरजिम्मेवार रहेको आरोप लगाएका छन्।

काठमाडौं क्षेत्र नम्बर १ मा मतदातासँगको भेटघाटमा सिंहले कोरोना महामारीको बेलामा समेत सरकार रमिते रहेको बताए। विषम परिस्थितिमा भ्रष्टाचारमा लिप्त र गैरजिम्मेवार बनेको आरोप लगाए। सिंहले भने,‘यो सरकार स्वार्थमा डुबेको छ । भ्रष्टाचारमा लिप्त छ।’

संघीयताको मर्म र भावनाअनुसार नीति निर्माणमा समेत चासो नदिनु दुःखद रहेको उनले बताए। कोरोना महामारीले कांग्रेस तत्काल सडक आन्दोलनमा जान नसकेको बताए। ‘भन्नुपर्ने ठाउँमा भनेकै छ, बोल्नुपर्ने ठाउँमा सबैले बोलेकै छ तर यो सरकारले सुन्दैन । यो सरकारले न जनताको आवाज सुन्छ, न प्रतिपक्षीको।’ उनले भने।

शीर्ष समाचार

धेरै पढिएको