बाराबाट दुई जना नक्कली नोटसहित पक्राउ

काठमाडौं-बाराबाट एक हजार दुई सय १६ थान नक्कली नोटसहित दुई जनालाई प्रहरीले पक्राउ गरेको छ। 

पक्राउ पर्नेहरुमा बारागढी गाउँपालिका ५ सिघासनी बस्ने २३ वर्षीय बलिराम चौधरी र भारत बिहार मोतिहारी बस्ने २७ वर्षीय संदिप कुमार रहेका छन्।

सिम्रौनगढ नगरपालिका-९ बसवरिया नहरमा चोरीका मोबाइलहरू खरीद बिक्री भएको भन्ने सूचनाका आधारमा खटिएको स्थानीय प्रहरीले बा ६४ प ९७०६ नम्बरको मोटरसाइकलमा सवार उनीहरुलाई जाँच गर्ने क्रममा उक्त नक्कली नोटसहित फेला पारी पक्राउ गरेको हो।