लिग–२ खेलेर अमेरिकाबाट फर्कियो नेपाली क्रिकेट टोली

काठमाडौं । आइसीसी विश्वकप लिग–२ अन्तर्गत अमेरिकामा भएको त्रिकोणात्मक श्रृंखला खेलेर नेपाली क्रिकेट टोली आज (बिहीबार) स्वदेश फर्किएको छ ।

त्रिभुवन अन्तर्राष्ट्रिय विमानस्थलमा नेपाली टोलीलाई नेपाल क्रिकेट संघ (क्यान) का केन्द्रीय सदस्य दिवाकर घलेले स्वागत गरेका छन् । मुख्य प्रशिक्षक मोन्टी देसाइ भने टोलीसँग नेपाल फर्किएका छैनन् । क्यानडा र अमेरिकामा नेपालले लिग–२ मा आठ खेल खेल्दा जम्मा एक खेल जितेको थियो भने पाँच खेलमा पराजित भएको थियो । दुई खेल वर्षाका कारण रद्द भएको थियो ।