बायर्न म्युनिख च्याम्पियन्स लिगको क्वाटरफाइनलमा

काठमाडौँ – बायर्न म्युनिख यूइएफए च्याम्पियन्स लिगको क्वाटरफाइनलमा प्रवेश गरेको छ ।

गएराती सम्पन्न अन्तिम १६ अन्तर्गतको दोस्रो लिगमा बायर्न म्युनिखले सिरी ए क्लब लाजियोलाई २-१ गोल अन्तरले पराजित गर्दै समग्रमा ६-२ को नतिजा निकाल्दै विजयी भएको हो ।

बायर्न म्युनिखको जितमा रोबेर्ट लेवानडोस्कीले एक गोल गरे भने एरिक म्याक्सिमले दोस्रो गोल गरेका थिए । त्यस्तै लाजिओका लागि मार्को पारोलोले एक गोल फर्काएका थिए ।

योसँगै बायर्न म्युनिख च्याम्पियन्स लिगको क्वाटरफाइनलमा १९औ पटक पुगेको छ । 

योसँगै च्याम्पियन्स लिगको क्वाटरफाइनलमा पुग्ने टिमको टुंगो लागेको छ । जसमा बायर्न म्युनिखसहित चेल्सी, लिभरपुल, म्यानचेस्टर सिटी, पिएसजी, बोरुसिया डोर्टमण्ड, पोर्टो र रियल म्याड्रिड रहेका छन् ।