नेम्वाङको जेठो छोरा पनि बेलायतबाट आइपुगे, च्यासल पुगेर हेरे दुबै छोराले बुबाको अनुहार (तस्वीरहरु)
काठमाडौं । नेकपा एमालेका उपाधयक्ष तथा संविधानसभा अध्यक्ष सुवासचन्द्र नेम्वाङका जेठा छोरा मिङ्सो नेम्वाङ पनि काठमाडौं पुगेका छन् ।
बेलायत (युके) मा सपरिवार रहेका उनी बुबाको निधनपछि आज (बुधबार) काठमाडौं आएका हुन् । अष्ट्रेलियामा रहेका कान्छा छोरा सुहाङ नेम्वाङ पनि काठमाडौं पुगिसकेका छन् । दुवै छोराहरूले च्यासस्थित एमाले पार्टी कार्यालय पुगेर बुबालाई श्रद्धाञ्जली दिएका छन् । नेम्वाङका दुई छोरी भने घरमै रहेका छन् ।
आज दिउँसो नेम्वाङको शव पार्टी कार्यालय च्यासलबाट घर लगिने भएको छ । नेम्वाङको भोलि (बिहीबार) नेम्वाङको अन्त्येष्टि गरिने छ । सरकारले राजकीय सम्मानका साथ अन्त्येष्टि गर्ने र सार्वजनिक बिदा दिने निर्णय गरेको छ । सोमबार राति १ बजे बालुवाटारस्थित आफ्नै निवासको शौचालयमा बेहोस भएर ढलेका नेम्वाङलाई तत्काल त्रिवि शिक्षण अस्पताल महाराजगञ्ज पुर्याइए पनि चिकित्सकले मृत घोषणा गरेका थिए । उनको निधन हृदयाघातबाट भएको हो ।
प्रतिकृया दिनुहोस्