नेप्से २६.६६ अंकले घट्यो

काठमाडौं । चालु आर्थिक वर्ष २०८०/८१ को मौद्रिक नीति सार्वजनिक भएको दोस्रो दिन नेप्से परिसूचक २६.६६ अंकले घटेको छ । मौद्रिक नीति सार्वजनिक भएको दिन ६३ अंकले बढेको नेप्से दोस्रो दिन घटेको हो ।

गभर्नर महाप्रसाद अधिकारीले सेयरकर्जाको जोखिमभारमा ठूलो परिवर्तन नगर्ने संकेत गरेसँगै त्यसको मनोवैज्ञानिक असर लगानीकर्तामा देखिएको छ । यस दिन नेप्से परिसूचक २२०० विन्दुमा पुगेर बन्द भएको छ । यस दिन म्युचुअल फन्ड, ऋणपत्र र सेयर गरी २६५ धितोपत्रको चार अर्ब ७३ करोड ७६ लाख रुपैयाँको सेयर करोबार भएको छ ।

यस दिन किसान लघुवित्त वित्तीय संस्थाको सेयर मूल्य १० प्रतिशतले वृद्धि भएको छ । यो कम्पनीको सेयर मूल्य प्रतिकित्ता ८७१ रुपैयाँ २० पैसा कायम भएको छ । नेपाल रि–इन्स्योरेन्स कम्पनी लिमिटेडको सेयर मूल्य ५.९६ प्रतिशतले वृद्धि भएको छ । यो कम्पनीको सेयर मूल्य ८०० रुपैयाँ कायम भएको छ ।

रि–इन्स्योरेन्स कम्पनीको सर्वाधिक रुपैयाँको सेयर कारोबार भएको छ । यो कम्पनीको २५ करोड ५६ लाख रुपैयाँको सेयर कारोबार भएको हो ।

त्यस्तै, प्रभु बैंक, ग्लोबल आईएमई बैंक, कुमारी बैंकलगायतको सेयर कारोबार सर्वाधिक भएको छ । कारोबारमा आएका १३ समूहमध्ये ‘अन्य’ र म्युचुअल फन्ड समूहको परिसूचक वृद्धि भएको छ । बाँकी समूहको परिसूचक घटेको छ । ‘अन्य’ समूहको परिसूचक २.८७ प्रतिशत वृद्धि भएको छ भने म्युचुअल फन्डको ०.९५ प्रतिशतले परिसूचक वृद्धि भएको छ ।

सर्वाधिक परिसूचक घट्नेमा विकास बैंंक समूह रहेको छ । यो समूहको परिसूचक ३.५ प्रतिशतले घटेको छ ।