August 7, 2022, Sunday
२०७९ श्रावण २३, सोमबार
KN hd tv

राष्ट्रपतिद्वारा संसद विघटन

काठमाडौं- राष्ट्रपति विद्यादेवी भण्डारीले संसद् विघटन गर्ने मन्त्रिपरिषद्को सिफारिसलाई अनुमोदन गरेकी छिन्। आइतबार बसेको मन्त्रिपरिषद्ले संसद् विघटनको सिफारिस गरेको थियो।

बैठकपछि प्रधानमन्त्री केपी शर्मा ओली राष्ट्रपति कार्यालय पुगेर निर्णयबारे जानकारी गराएका थिए।

सरकारले सिफारिस गरेको भए पनि राष्ट्रपतिले अनुमोदन नगर्ने आकलन गरिएको थियो।

यस्तो छ, राष्ट्रपति कार्यालयको विज्ञप्ति

आज मिति २०७७ साल पुस ५ गते आइतबारका दिन सम्माननीय राष्ट्रपति श्रीमती विद्यादेवी भण्डारीज्यूले नेपालको संविधानको धारा ७६ को उपधारा (१) र (७) तथा धारा ८५ एवं संसदीय प्रणालीको आधारभूत मर्म एवं मूल्य मान्यता तथा हाम्रो आफ्नै र संसदीय प्रणाली भएका विभिन्न मुलुकहरूको अभ्यास बमोजिम संघीय संसदको वर्तमान प्रतिनिधि सभा विघटन गरी ताजा जनादेशका लागि नेपाली जनता समक्ष जान मिति २०७८ साल बैशाख १७ गते शुक्रबार पहिलो चरणमा र मिति २०७८ साल बैशाख २७ गते सोमबार दोस्रो चरणमा अर्को प्रतिनिधि सभाको निर्वाचन सम्पन्न गर्ने गरी निर्वाचनको मिति तोक्न नेपाल सरकार, मन्त्रिपरिषद्को बैठकबाट निर्णय भई सोही बमोजिम सम्माननीय प्रधानमन्त्रीबाट सिफारिस भएकोले उक्त सिफारिस बमोजिम संघीय संसदको वर्तमान प्रतिनिधि सभा विघटन गरी मिति २०७८ साल बैशाख १७ गते शुक्रबार पहिलो चरणमा र मिति २०७८ साल बैशाख २७ गते सोमबार दोस्रो चरणमा प्रतिनिधि सभाको निर्वाचन सम्पन्न गर्ने गरी निर्वाचनको मिति तोक्नु भएको छ ।

(बद्रिनाथ अधिकारी)

प्रवक्ता

शीर्ष समाचार

धेरै पढिएको