July 5, 2022, Tuesday
२०७९ असार २२, बुधबार
KN hd tv

देशका अधिकांश स्थानमा हल्का हिमपातको सम्भावना

काठमाडौं – पश्चिमी वायुको प्रभावले आज देशका अधिकांश  स्थानमा आंशिकदेखि सामान्य बदली रही उच्च पहाडी तथा हिमाली भूभागका केही स्थानमा हल्का हिमपात हुने भएको छ। जल तथा मौसम विज्ञान विभागका अनुसार बिहीबाार देशका पहाडी भूभागमा आंशिकदेखि सामान्य बदली र बाँकी भूभागमा आंशिक बदली भइ प्रदेश नं १ का उच्च पहाडी तथा हिमाली भूभागका केही स्थानमा हल्का हिमपातको सम्भावना छ।

पश्चिमी वायुको प्रभाव आज बेलुकादेखि विस्तारै कमजोर हुँदै जाने मौसमविद् समिर श्रेष्ठले बताए। ‘शुक्रबारदेखि मौसम सुधार हुन्छ’, श्रेष्ठले भने, ‘तत्काललाई वर्षाको सम्भावना छैन।’
    
हाल वाग्मती, गण्डकी, कर्णाली, लुम्बिनी र सुदूरपश्चिम प्रदेशमा सामान्यदेखि पूर्ण बदली रही बाँकी प्रदेशमा आंशिकदेखि सामान्य बदली रहेको छ। देशभर अपराह्न आंशिकदेखि सामान्य बदली भइ गण्डकी, कर्णाली, सुदूरपश्चिम र प्रदेश नं १ का उच्च पहाडी तथा हिमाली भूभागका केही स्थानमा हल्का हिमपातको सम्भावना रहेको बताइएको छ। 

मौसम पूर्वानुमान महाशाखाको पछिल्लो विवरणअनुसार आज काठमाडौं उपत्यकाको न्यूनतम तापक्रम ७ दशमलव ४ डिग्री र अधिकतम तापक्रम २१ दशमलव ६ डिग्री सेल्सियस छ। 

शीर्ष समाचार

धेरै पढिएको