November 24, 2020, Tuesday
२०७७ मंसिर ९, मंगलवार
KN hd tv

नेसन्स लिग: स्पेनसँग जर्मनकी लज्जास्पद हार

एजेन्सी– यूईएफए नेसन्स लिग फुटबलमा जर्मनीले लस्जास्पद हार ब्योहोरेको छ ।

लिग अन्तर्गत समूह ए४ को अन्तिम खेलमा स्पेनले जर्मनीमाथि ६-० को शानदार जित हात पारेको छ ।

एकपक्षीय भएको खेलमा स्पेनका लागि फेरान टोरेसले ह्याट्रिक गरे । यस्तै रोड्री, मिकेल ओयाराज्बाल र अल्भारो मोराटाले १-१ गोल गरे ।

खेलको १७औँ मिनेटमा स्पेनले अग्रता बनायो । फाबियन रुइजको कर्नरमा मोराटाले हेडमार्पत गोल गरे ।

३३औँ मिनेटमा फेरान टोरेसले गोल गर्दै अग्रता दोब्बर पारे ३८औँ मिनेटमा स्पेनले ३-० को अग्रता बनाउन सफल भयो ।

दोस्रो हाफमा जर्मनीले डिफेन्डर परिवर्तन गरे पनि खेल राम्रो हुन सकेन ।

५५औँ मिनेटमा टोरेसले व्यक्तिगत दोश्र गोल गर्न सफल रहे । टोरेसले नै ७१औँ मिनेटमा ह्याट्रिक पूरा गरे ।

९०औँ मिनेटमा जोसे गयाको पासमा ओयारज्बालले सहजै गोल गर्दै ६-० को जित पक्का गरे ।

जितसँगै स्पेनले यूईएफए नेसन्स लिगको सेमिफाइनलमा स्थान पक्का गरेको छ ।

स्पेनले ६ खेलमा ११ अंक जोड्यो । दोस्रो स्थानको जर्मनीको ६ खेलमा ९ अंक छ ।

शीर्ष समाचार

धेरै पढिएको