सुनको मूल्यमा सामान्य गिरावट

काठमाडौं-सुनको मूल्यमा सामान्य गिरावट आएको छ। बुधबारको तुलनामा बिहीबार सुनको मूल्य प्रतितोला २ सय रुपैयाँले घटेको हो।

बिहीबारका लागि नेपाली बजारमा छापावाल सुनको मूल्य प्रतितोला ९३ हजार ९ सय रुपैयाँ तोकिएको छ। बुधबार छापावाल सुन प्रतितोला ९४ हजार १ सय रुपैयाँमा कारोबार भएको थियो।

तर चाँदीको मूल्य भने बढेको छ। बिहीबार चाँदीको मूल्य तोलामा ५ रुपैयाँले बढेको हो। बुधबार प्रतितोला ११ सय ७५ रुपैयाँमा कारोबार भएको चाँदीको मूल्य बिहीबारका लागि ११ सय ८० रुपैयाँ तोकिएको नेपाल सुनचाँदी व्यवसायी महासंघले जनाएको छ।