चितवनमा थप ७३ जनामा कोरोना संक्रमण पुष्टि

काठमाडौं– चितवनमा थप ७३ जनामा कोरोना संक्रमण पुष्टि भएको छ ।

भरतपुर अस्पतालमा गरिएको परीक्षणमा ४३ जनामा र चितवन मेडिकल कलेजमा गरिएको परीक्षणमा ३० जनामा गरी ७३ जनामा कोरोना पुष्टि भएको हो ।

अस्पतालले एक विज्ञप्ती मार्फत भदौ २१ गते परीक्षण शुरु गरिएका ४०५ वटा स्वाबमध्ये ४३ वटामा कोरोना पोजेटिभ देखिएको जानकारी दिएको हो । यस्तै ३६२ जनाको भने कोरोना नेगेटिभ देखिएको छ ।

नयाँ थपिएका संक्रमित मध्ये ३३ जना चितवनका छन् । यस्तै नवलपुरका ३ जना, रौतहटका २ जना,  धनुषा, अर्घाखाँची,  झापा,  पर्सा, कपिलवस्तु र सुनसरीका एकएक जना रहेको अस्पतालले जनाएको छ ।

संक्रमितमध्ये चितवनका संक्रमितहरू भरपुर अस्पतालको स्वाब संकलन केन्द्र र  पूरानो मेडिकल कलेज तथा क्वारेन्टिन स्थलमा संकलन गरिएको स्वाबमा पोजेटिभ आएको हो ।