ललितपुरमा कर्फ्यू

काठमाडौं–जिल्ला प्रशासन कार्यालय ललितपुरले आज शुक्रबार ललितपुर जिल्लामा पर्ने चक्रपथभित्रका सबै क्षेत्रमा कर्फ्यू लगाएको छ। 

ललितपुर महानगरपालिकाभित्र वल्खुदेखि मनहरा पुलसम्मको चक्रपथभित्रका सम्पूर्ण क्षेत्रमा बिहान ४ बजेदेखि राति १० बजेसम्म कर्फ्यू लगाइएको हो। बिहीबार रातो मच्छिन्द्रनाथको रथयात्राका क्रममा स्थानीय र प्रहरीबीच झडप भएपछि स्थितिलाई नियन्त्रणमा लिन कर्फ्यू आदेश जारी गरिएको जिल्ला प्रशासनले जनाएको छ।

ललितपुर प्रशासनले कफ्र्यु आदेश  जारी भएको क्षेत्रभित्र आवतजावत गर्न, भेला हुन र जुलुश निकाल्नेजस्ता कारवाही गर्न निषेध गरिएको र यो आदेशको उल्लंघन  गरी घरबाट निस्केमा वा अन्य काम गरेमा सुरक्षाकर्मीले गोलीसमेत हान्न सक्ने जनाएको छ।