जोखिम मोलेरै सुटिङमा खटिएका बलिउड स्टार

बलिउडका केहि कलाकार कोरोना महामारीको बिचमा पनि जोखिम मोलेर आफ्नो कामलाई निरन्तरता दिइरहेका छन् । अक्षय कुमार, आमिर खानदेखि हुमा कुरैशीसम्म फिल्मको सुटिङका क्रममा छन् ।

अक्षय कुमार
अक्षय कुमार उनको आगामी फिल्म बेल बटमको सुटिङ गर्न ग्लासगो गएका छन् । उनी टिमसहित १५ अगस्टमा फिल्म सुटिङ गर्न ग्लासगो गएका हुन् ।

हुमा कुरैशी
हुमा कुरैशी पनि यस समय ग्लासगोमा छन् । उनी पनि बेल बटमको सुटिङ गर्न ग्लासगो पुगेकी हुन् । हुमाले हालैमा एक रमाइलो भिडियो सार्वजनिक गरेसँगै उनी फिल्म सुटिङका क्रममा रहेको सार्वजनिक भएको हो ।

लारा दत्ता
अक्षय कुमारको फिल्म बेल बटमकै टिममा लारा दत्त पनि छिन् । उनी पनि फिल्म सुटिङका लागी कोरोनाको महामारीकाबीच सुटिङमा छिन् ।

आमिर खान
आमिर खान आफ्नो आगामी फिल्म लाल सिंह चड्डा सुटिङ क्रममा टर्की पुगेका छन् । उनले हालै टर्कीका राष्ट्रपतीकी पत्नी एमीन एर्दोगनसंग भेट गरेका थिए । जसका कारण भारतमा उनको आलोचना शुरु भएको छ ।

मौनी राय
मौनी राय अहिले फिल्म सुटिङका लागी लण्डन पुगेकि छिन् । लण्डनमा उनी आगामी फिल्मको सुटिङमा ब्यस्त छिन् । मौनी लकडाउन पूर्व नै दुबईमा थिइन् ।