१५ करोडको बजेटमा बनेको साउथको यो फिल्मले चार दिनमा कमायो २० करोड

साउथ अभिनेता विजय एन्टोनीको फिल्म ‘पिचिकरण २’ शुक्रवारबाट हलमा रिलिज भएको छ । समीक्षकहरूले फिल्मलाई लिएर मिश्रित प्रतिक्रिया दिए पनि फिल्म  ‘पिचाइकरण २’ ले बक्स अफिसमा निकै कमाई गरिरहेको छ । फिल्मले रिलिज भएको चार दिनमै लागतभन्दा बढी कमाइ गरेको छ ।

‘पिचिकरण २’ हेर्न बक्स अफिसमा दिनहुँ दर्शकको भीड बढिरहेको छ । यही कारण विजय एन्टोनीको यो फिल्मले चार दिनमा कुल २० करोड कमाएको छ ।

‘पिचिकरण २’ ले पहिलो दिन करिब ६ करोड कमाएको थियो । त्यसपछि बक्स अफिस कलेक्सनमा फिल्मले राम्रै कमाई गर्‍यो । शनिवार अर्थात् दोस्रो दिन फिल्मले ५.६५ करोड कमाएको थियो । ‘पिचिकरण २’ को तेस्रो दिन ६.३ करोड र चौथो दिन २.५५ करोडको कलेक्सन भएको छ । यस अनुसार चलचित्र ‘पिचाइकरण २’ ले चार दिनमा २०.५ करोड भारु कमाएको छ । धेरै ट्रेड विश्लेषकहरूले यो फिल्मले आगामी दिनमा अझ धेरै कमाउन सक्ने विश्वास गरेका छन् ।

View this post on Instagram

A post shared by Vijay Antony (@vijayantony)

‘पिचिकरण २’ बाट निर्देशनमा डेब्यु गरेका विजय एन्टोनीले चलचित्रको प्रमुख, सम्पादक र सङ्गीतकारको रूपमा थुप्रै जिम्मेवारी सम्हालेका छन् । फिल्ममा विजय एन्टोनीसँगै काव्या थापर मुख्य भूमिकामा छिन् । साथै, दातो राधा रवि, वाईजी महेन्द्रन, मन्सूर अली खान, हरिश परादी, जोन विजय, देव गिल र योगी बाबुको पनि महत्त्वपूर्ण भूमिका रहेको छ । ‘पिचाइकरण २’ सन् २०१६ को फिल्मको सिक्वेल हो । पहिलो चलचित्र जस्तै दोस्रो चलचित्रले पनि दर्शकको माया पाइरहेको छ ।