ट्रक र मोटरसाइकल आपसमा ठोक्किँदा एक जनाको मृत्यु
झापा – झापाको कमल गाउँपालिका–४ चुलाचुलीमा ट्रक र मोटरसाइकल आपसमा ठोक्किँदा एक जनाको मृत्यु भएको छ ।
मृत्यु हुनेमा मोटरसाइकल चालक दमक नगरपालिका–९ का अन्दाजी ३७ वर्षीय दीपक नेपाल रहेका छन् ।
नेपालले चलाएको प्रदेश १–०१–०१२प १४५३ नम्बरको मोटरसाइकल र ना ७ ख ८७३५ नम्बरको ट्रक गए राति सवा ११ बजे आपसमा ठोक्किएका थिए ।
ट्रकको ठक्करबाट गम्भीर घाइते भएका उनको दमक अस्पतालमा उपचार क्रममा मृत्यु भएको प्रहरीले जनाएको छ । ट्रक चालकलाई इलाका प्रहरी कार्यालय दमकले नियन्त्रणमा लिएको छ ।
#दुर्घटना
प्रतिकृया दिनुहोस्