पृथ्वी राजमार्ग एकतर्फी रूपमा सञ्चालनमा

काठमाडौँ – वर्षा कम भएसँग ठाउँठाउँका पहिरो आंशिकरूपमा हटाइएपछि पृथ्वी राजमार्ग एकतर्फी रूपमा सञ्चालनमा आएको छ ।

सडक डिभिजन कार्यालय भरतपुरका अनुसार मुग्लिन–नारायणगढ खण्डमा नयाँ पहिरो नखसेको तथा ठाउँठाउँको पहिरो पनि आंशिकरूपमा हटाइएपछि सडकमा एकतर्फी रूपमा सवारीसाधन सञ्चालनमा आएका छन् ।

बाँकी रहेको पहिरो हटाउने काम जारी रहेको कार्यालयका सूचना अधिकारी ई.शिव खनालले जानकारी दिए ।

यस्तै मौवा खेलाको पुल जोड्ने बाटो खोलाले बगाएपछि अवरुद्ध भएको मुग्लिन–मलेखु–नागढुंगा खण्डमा पनि अहिले साना सवारी साधन एकतर्फी रुपमा सञ्चालनमा रहेको उनले बताए ।