September 29, 2022, Thursday
२०७९ आश्विन १४, शुक्रबार
KN hd tv

जलमग्न काठमाण्डौँ

काठमाण्डाै – लगातार पानी परिरहेका कारण काठमाण्डौ उपत्यकाका ठाउँठाउँमा पानी जम्दा गाडी ओहोरदाेहाेरमा समस्या भएको छ ।

विशेषगरी सडक मर्मत तथा ढल र खानेपानीको पाइप जडान गर्नका लागि खनिएका ठाउँमा गाडी आवागमनमा समस्या भएको छ । आइतबारदेखिको लगातारको झरीका कारण जमलमा एकतर्फ मात्रै दुई पाङ्ग्रे गाडी चलेका छन् । पानी जमेर पोखरी भएकाले मोटरसाइकल र स्कुटर दुईतर्फी चल्न नसकेका हुन् ।

महानगरीय ट्राफिक प्रहरी महाशाखाकाअनुसार जमलमा चार पाङ्ग्रे गाडी भने दुईतर्फी नै चलिरहेका छन् । यस्तै काठमाण्डाैकाे चावहिल–चुच्चेपाटी सडकखण्डमा पनि गाडीको ओहोरदोहोरमा समस्या छ । सडक खनेकाले लगातारको झरीका कारण सडक जलमग्न र हिलाम्मे भएको छ ।

यस्तै कलङ्कीको खसीबजार, बल्खुलगायतका ठाउँमा पनि सडकमा पानी जमेको छ ।

शीर्ष समाचार

धेरै पढिएको