December 4, 2022, Sunday
२०७९ मंसिर १८, आईतवार
KN hd tv

बागमती प्रदेशमा थप १४ कोरोना संक्रमितको मृत्यु

काठमाडौं – बागमती प्रदेशमा बुधवार थप १४ जना कोरोना संक्रमितको मृत्यु भएको छ ।

प्रदेशको सामाजिक विकास मन्त्रालयका अनुसार बुधवार भक्तपुरमा ७१ वर्षीय पुरुष र ७७ वर्षीय महिला गरी २ जना, चितवनमा ८३ र ५६ वर्षीय २ पुरुष, दोलखामा ७१ वर्षीय पुरुष र ८५ वर्षीया महिला, काठमाडौंमा ४४ र ५५ वर्षीय २ पुरुष, काभ्रेपलान्चोकमा ५६ वर्षीय पुरुष र ७१ वर्षीया महिला, ललितपुरमा ७० र ६० वर्षीय २ पुरुष तथा मकवानपुरकी २६ वर्षीया र रामेछापकी ६९ महिला गरी १४ जनाको मृत्यु भएको हो । प्रदेशमा मृत्यु हुनेको यो संख्या केही साता यताकै बढी हो ।

बुधवार थपिएका १४ जनासँगै प्रदेशमा हालसम्म मृत्यु हुनेको संख्या ४ हजार ८५ पुगेको छ ।

त्यस्तै बुधवार प्रदेशमा ८ हजार ८८३ नमुना परीक्षण गरिएकोमा १८८३ जना संक्रमित थपिएका छन् । बुधवार थपिएका १८८३ जनासँगै प्रदेशमा संक्रमित हुनेको संख्या ३ लाख ८१ हजार ६४१ पुगेको छ भने कूल संक्रमित मध्ये निको हुनेको संख्या ३ लाख ६४ हजार ४५५ पुगेको छ ।

त्यस्तै हाल प्रदेशका विभिन्न अस्पतालका आइसीयुमा उपचार गराउनेको संख्या ४४७ रहेको छ भने भेन्टिलेटरमा ९२ जनाको उपचार भइरहेको पनि मन्त्रालयद्धारा जारी विवरणमा उल्लेख छ ।

शीर्ष समाचार

धेरै पढिएको