December 4, 2022, Sunday
२०७९ मंसिर १८, आईतवार
KN hd tv

आज थप कोरोनाबाट १८ जनाको मृत्यु, २९०४ जना संक्रमित

काठमाडौं – पछिल्लो २४ घण्टामा २९०४ जना नयाँ कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८,१०८ पिसीआर र ४९१६ ऐन्टिजेन गरी १३,०२४ वटा नमुना परीक्षणमा २,९०४ जना संक्रमित थपिएका हुन् । मंगलबारको तुलनामा बुधबार संक्रमितको संख्या बढेको देखिन्छ ।

त्यस्तै पछिल्लो २४ घण्टामा भक्तपुरमा ६९, ललितपुरमा ६२ जना र काठमाडौंमा २९४ जना गरी उपत्यकामा आज ४२५ जना संक्रमित थपिएका छन् । मंगलबारको तुलनामा उपत्यकामा आज संक्रमितको संख्यामा केही कमी देखिएको छ ।

नेपालमा हालसम्म ३४ लाख ३८ हजार ३३० पिसीआर र २ लाख ४७ हजार ५४२ विधिबाट गरीएको नमुना परीक्षणमा ७ लाख ६ हजार ७६१ जना संक्रमित भएका छन् ।

त्यसैगरी पछिल्लो २४ घण्टामा देशैभरी १६०६ जना कोरोना संक्रमणबाट मुक्त भएका छन् । आज निको भएका १६०६ जनासँगैै नेपालमा कोरोना संक्रमणबाट मुक्त हुनेको संख्या ६ लाख २४ हजार ७११ जना निको भइसकेका छन् ।

त्यस्तै पछिल्लो २४ घण्टामा १८ जना कोरोना संक्रमितको मृत्यु भएको छ । आज थपिएका १८ जनासँगै नेपालमा हालसम्म ज्यान गुमाउनेको संख्या ९,४३० पुगेको मन्त्रालयद्धारा जारी विवरणमा उल्लेख छ ।

मन्त्रालयका अनुसार नेपालमा हाल २६ हजार ६४७ जना संक्रिय संक्रमित रहेका छन् । तीमध्ये होम आइसोलेशनमा २४ हजार ९९ र संस्थागत आइसोलेशनमा २,५४८ जना रहेका छन् । सोमबारको तुलनामा मंगलबार होम आइसोलेशन बस्नेको संख्या बढेको छ भने संस्थागत आइसोलेशनमा रहनेको संख्यामा कमी आएको छ ।

त्यस्तै देशैभरीका विभिन्न अस्पतालका आइसीयुमा ५९९ र भेन्टिलेटरमा १७२ जनाको उपचार भइरहेको छ ।

यी जिल्लामा सक्रिय संक्रमितको संख्यामा वृद्दि
नेपालमा कोरोनाको जोखिम कायमै रहेको स्वास्थ्य मन्त्रालयले जनाएको छ । मन्त्रालयका अनुसार कर्णली प्रदेशको सुर्खेत, सुदूरपश्चिमको कैलाली, प्रदेश नं १ को झापा, मोरङ र सुनसरी, प्रदेश नं २ को पर्सा, महोत्तरी, बागमती प्रदेशको काठमाडौं र भक्तपुर, गण्डकी प्रदेशको कास्की, तनहुँ र नवलपरासीपूर्व तथा लुम्बिनी प्रदेशको दाङ र रुपन्देहीमा सक्रिय संक्रमित बढ्दै गएको पाइएको छ ।

३७ लाख बढीले लगाए खोप
नेपालमा हालसम्म कोरोना भाइरसविरुद्धको खोप ३७ लाख ३० हजार ३४४ जनाले लगाएका छन् । २६ लाख २१ हजार ४७६ जनाले पहिलो मात्राको खोप लगाएका छन् भने दोस्रोमात्रा पूरा गर्नेको संख्या ११ लाख ८ हजार ८६८ पुगेको छ ।

शीर्ष समाचार

धेरै पढिएको