November 26, 2022, Saturday
२०७९ मंसिर १०, शनिबार
KN hd tv

आज देशैभरी २३७० जनामा कोरोना संक्रमण, १८ जनाको मृत्यु

काठमाडौं – पछिल्लो २४ घण्टामा २३७० जना नयाँ कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७,६८९ पिसीआर र ३,८९५ ऐन्टिजेन गरी ११,५८४ वटा नमुना परीक्षणमा २३७० जना संक्रमित थपिएका हुन् । आइतवारको तुलनामा संक्रमित हुनेको यो संख्या केही बढी हो ।

त्यस्तै पछिल्लो २४ घण्टामा भक्तपुरमा ५४, ललितपुरमा ९० जना र काठमाडौंमा २८९ जना गरी उपत्यकामा आज ५३५जना संक्रमित थपिएका छन् । आइतवारको तुलनामा उपत्यकामा पनि संक्रमितको संख्यामा वृद्दि भएको छ ।

नेपालमा हालसम्म पिसीआर विधिबाट ६ लाख ५५ हजार ४४९ र ऐन्टिजेन बिधिबाट ४३ हजार ६३९ गरी जम्मा ७ लाख १ हजार ४५८ जना संक्रमित भएका छन् ।

त्यसैगरी पछिल्लो २४ घण्टामा देशैभरी ११३३ जना कोरोना संक्रमणबाट मुक्त भएका छन् । आज निको भएका ११३३ जनासँगैै नेपालमा कोरोना संक्रमणबाट मुक्त हुनेको संख्या ६ लाख २१ हजार २७ जना निको भइसकेका छन् ।

त्यस्तै पछिल्लो २४ घण्टामा १८ जना कोरोना संक्रमितको मृत्यु भएको छ । आज थपिएका १८ जनासँगै नेपालमा हालसम्म ज्यान गुमाउनेको संख्या ९,४०० पुगेको मन्त्रालयद्धारा जारी विवरणमा उल्लेख छ ।

मन्त्रालयका अनुसार नेपालमा हाल २६ हजार ७१२ जना संक्रिय संक्रमित रहेका छन् । तीमध्ये होम आइसोलेशनमा २३ हजार ९४७ र संस्थागत आइसोलेशनमा २,७६५ जना रहेका छन् । आइतबारको तुलनामा होम अहाइसोलेशन र संस्थागत आइसोलेशनमा रहनेको संख्या बढेको छ ।

त्यस्तै देशैभरीका विभिन्न अस्पतालका आइसीयुमा ५४९ र भेन्टिलेटरमा १६३ जनाको उपचार भइरहेको छ । आइतबारको तुलनामा सोमबार भेन्टिलेटरमा उपचार गराउनेको संख्यामा पनि वृद्दि भएको छ ।

शीर्ष समाचार

धेरै पढिएको