December 4, 2022, Sunday
२०७९ मंसिर १८, आईतवार
KN hd tv

पछिल्लो २४ घण्टामा थपिए २७६० कोरोना संक्रमित, ३३ को मृत्यु

काठमाडौं – पछिल्लो २४ घण्टामा कोरोनाका २७६० जना नयाँ संक्रमित थपिएका छन् ।

पछिल्लो २४ घण्टामा ७,१३० पिसीआर र ३८६६ ऐन्टिजेन गरी १०, ९८५ नमुना परीक्षणमा २७६० जना संक्रमित थपिएका हुन् ।

आज भक्तपुरमा २९, ललितपुरमा ७४ र काठमाडौंमा ३१६ गरी उपत्यकामा ४१९ जनामा संक्रमण पुष्टि भएको छ । बुधबारको तुलनामा बिहीवार उपत्यकामा संक्रमित हुनेको संख्या केही कम भएको छ ।

नेपालमा हालसम्म पिसीआर विधिबाट ६ लाख ४० हजार ६६२ जना र ऐन्टिजेन विधिबाट ३५ हजार ८४७ गरी कूल ६ लाख ८४ हजार ७३४ जना संक्रमित भएका छन् ।

त्यसैगरी पछिल्लो २४ घण्टामा देशैभरी ३८५५ जना कोरोना संक्रमणबाट मुक्त भएका छन् । आज निको भएका ३८५५ जनासँगैै नेपालमा कोरोना संक्रमणबाट मुक्त हुनेको संख्या ६ लाख १४९ पुगेको छ । मन्त्रालयका अनुसार निको हुनेको यो संख्या ९३.७ प्रतिशत हो । मन्त्रालयका अनुसार नेपालमा अव ७.३ प्रतिशत मात्र सक्रिय कोरोना संक्रमित रहेका छन् ।

त्यस्तै पछिल्लो २४ घण्टामा ३३ जना कोरोना संक्रमितको मृत्यु भएको छ । आज मृत्यु भएका ३३ जनासँगै नेपालमा हालसम्म ज्यान गुमाउनेको संख्या ९,१४५ पुगेको मन्त्रालयद्धारा जारी विवरणमा उल्लेख छ ।

मन्त्रालयका अनुसार हाल नेपालमा हाल ३१ हजार ३६८ जना संक्रिय संक्रमित रहेका छन् । ती मध्ये होम आइसोलेशनमा २८ हजार ३७४ र संस्थागत आइसोलेशनमा २९९४ जना रहेका छन् ।

त्यस्तै देशैभरीका विभिन्न अस्पतालका आइसीयुमा ६२९ र भेन्टिलेटरमा १८१ जनाको उपचार भइरहेको छ । बुधवारको तुलनामा आज भेन्टिलेटर र आइसीयुमा उपचार गराउनेको संख्या केही बढेको छ ।

शीर्ष समाचार

धेरै पढिएको