राष्ट्रिय योजना आयोगको उपाध्यक्षमा पुनः पुष्पराज कँडेल नियुक्त

काठमाडौं– राष्ट्रिय योजना आयोगको उपाध्यक्षमा पुनः पुष्पराज कँडेल नियुक्त भएका छन्।

सोमबार बसेको मन्त्रिपरिषद्को बैठकले उपाध्यक्ष कँडेलसहित सदस्यहरु कृष्णप्रसाद ओली, उषा झा र मीनबहादुर शाहीलाई आयोगको गठन आदेश बमोजिम नियुक्त गरेको थियो।

कँडेल यसअघि पनि आयोगको उपाध्यक्ष थिए। र, ओली, झा र शाही पनि सदस्यमा दोहोरिएका छन्।

पदभार सम्हाल्दै उपाध्यक्ष कँडेलले ११ स्मार्ट सिटीको बहुवर्षीय आयोजना स्वीकृत गर्ने निर्णयको फाइल सदर गरेका छन्।