August 13, 2022, Saturday
२०७९ श्रावण २८, शनिबार
KN hd tv

सिरहामा लुटेरा समूहले गर्‍याे व्यवसायीको हत्या

काठमाडौं–लुटेरा समूहले सिरहाको लहान नगरपालिकामा सुनचाँदी पसल सञ्चालकको गोली हानी हत्या गरेका छन्। गए राति लुटपाट गर्ने उद्देश्यले आएको समूहले लहान–२२ निवासी ३८ वर्षीय प्रदीप विश्वकर्माको गोली हानी हत्या गरेका हुन्।

सो क्रममा मृतक प्रदीपकी श्रीमती अमृता विश्वकर्मा घाइते भएको प्रहरीले जनाएको छ। घाइतेकोे लहानस्थित सप्तऋषि अस्पतालमा उपचार भइरहेको छ।

मध्यराति आएका समूहले घरको ढोका फुटाएर लुटपाट गर्न खोज्दा प्रतिकार गर्ने क्रममा विश्वकर्माको गोली हानी हत्या गरेको इलाका प्रहरी कार्यालय लहानका प्रहरी नायब उपरीक्षक तपनकुमार दाहालले जानकारी दिए।

गोली हानी हत्या गरिएका विश्वकर्मा वडाध्यक्ष कन्हैया गुप्ताको घरमा सुनचाँदी पसल सञ्चाल गर्दै आएका थिए। घटनालगत्तै पुगेको प्रहरी टोलीले भाग्दै गरेको अवस्थामा लहान नगरपालिका–७ निवासी रामकृष्ण चौधरी र सुरेशकुमार सहनीलाई पक्राउ गरेको छ।

घटनाबारे थप अनुसन्धान भइरहेको प्रहरी नायब उपरीक्षक दाहालले बताए।
 

शीर्ष समाचार

धेरै पढिएको